اسلام آباد(نیوز ڈیسک )پاکستان نے چینی نائب وزیراعظم کو ہلال پاکستان عطا کرنے کا فیصلہ کیا ہے۔ نجی ٹی وی چینل دنیا نیوز کے مطابق چین کے نائب وزیراعظم گزشتہ روز 3روزہ دورے پر پاکستان آئے ہیں،آج شام وہ سی پیک کی دسویں سالگرہ پر کنونشن سینٹر میں تقریب میں شرکت کریں گے، وزیر اعظم شہباز شریف، کابینہ ارکان، ارکان پارلیمنٹ کے علاوہ عسکری قیادت اور اعلیٰ حکام بھی تقریب میں شرکت کریں گے۔ پاکستان نے چینی نائب وزیراعظم کو ہلال پاکستان عطا کرنے کا فیصلہ کیا ہے،صدر مملکت چینی نائب وزیراعظم کو ہلال پاکستان سے نوازیں گے،ایوارڈ پاکستانی مفاد میں قابل قدر خدمات کے اعتراف میں عطا کیا جاتا ہے۔