گروگرام (نیوز ڈیسک )بھارتی ریاست ہریانہ کے ضلع نوح میں جاری پرتشددجھڑپوں اور کشیدہ صورتحال کے دوان بدھ کی شب دو مساجد پر پٹرول بم سے حملے کئے گئے ہیں ۔
کشمیرمیڈیاسروس کے مطابق ضلع نوح کے علاقے تاوڈو میں موٹر سائیکل پر سوار حملہ آوروں نے دو مساجد پر پٹرول بم پھینکے ہیں۔ پولیس کے مطابق بدھ کی شب وجے چوک اور پولیس اسٹیشن کے قریب واقع مساجد پر موٹر سائیکل پر سوار حملہ آوروں نے پٹرول بم پھینکے۔ دونوں واقعات کسی قسم کا کوئی جانی نقصان نہیں ہو اہے ۔تاہم مساجد کو نقصان پہنچا ہے ۔پولیس نے مزید بتایا کہ حملے کی اطلاع ملتے ہی فائر بریگیڈ کو مساجد کی طرف روانہ کر دیا گیا اور آگ پر قابو پالیا گیا۔ پولیس کے مطابق ضلع پلول کے مینار گیٹ بازار میں چوڑیوں کی ایک دکان کو بھی نذر آتش کیاگیا ہے۔