سرینگر13اگست(نیوز ڈیسک ) غیر قانونی طور پر بھارت کے زیر قبضہ جموں و کشمیر کی ہائی کورٹ نے کالے قانون پبلک سیفٹی ایکٹ کے تحت پانچ افراد کی غیر قانونی نظربندی کو کالعدم قرار دیتے ہوئے انہیں رہا کرنے کا حکم دیاہے۔
کشمیر میڈیا سروس کے مطابق عدالت نے یاری پورہ، کولگام، رام پورہ، بانڈی پورہ، ہیف شوپیاں اور بارہمولہ کے رہائشی مظفر احمد راتھر، آصف احمد لون، بلال احمد لون، بلال احمد ڈار اور نذیر احمد صوفی کی نظربندی کو کالعدم قرار دیاہے۔انہیں متعلقہ ضلع مجسٹریٹس نے 8اپریل 2022، 25 جون 2022، 14 جولائی 2019، 20 اکتوبر 2021اور 7فروری 2023کوکالے قانون پبلک سیفٹی ایکٹ کے تحت نظربند کرنے کا حکم جاری کیاتھا۔