جموں 17 اگست (نیوز ڈیسک ) بھارت کے غیر قانونی زیر قبضہ جموں کشمیر میں لوگوں نے قابض بھارتی انتظامیہ کی طرف سے بجلی کے پری پیڈ سمارٹ میٹروں کی تنصیب کے خلاف ااحتجاجی مظاہرہ کیا ۔ کشمیرمیڈیاسروس کے مطابق جموں شہر میں ہونے والے مظاہرے میں خواتین سمیت لوگوں کی ایک بڑی تعداد شریک تھی ۔ انہوں کہا کہ سمارٹ میٹروں کی وجہ سے ان کے بھاری بل آتے ہیں ۔ مظاہرین نے شاہراہ پر دھرنا دیا جس سے ٹریفک کی آمد ورفت متاثر ہوئی ۔ پولیس نے مظاہرین کو منتشر کرنے کیلئے طاقت کا وحشیانہ استعمال کیا۔
