حیدرآباد (نیوز ڈیسک )بھارتی ریاست مدھیہ پردیش کے شہر اندور میں پولیس نے 8 مسلمانوں کوپتھرائو کے الزام میں نیم برہنہ کر کے گشت کرایا ہے ۔
سوشل میڈیا پر وائر ل واقعے کی ویڈیو میں دکھایاگیا ہے کہ پولیس 8مسلم نوجوانوںکی قمیضیں اتروا کرانہیںنیم برہنہ کرکے گشت کرارہی ہے جبکہ ان کے ہاتھ پشت پر بندھے ہوئے ہیں ۔مسلم نوجوانوں کو گلیوں کا گشت کرایا جارہا ہے اور ان سے نعرے بھی لگوائے جارہے ہیں ۔ پولیس نے دعویٰ کیا ہے کہ پتھرائو کرنے اور ایک دوسرے سے جھگڑنے پر ان نوجوانوں کے خلاف یہ کارروائی عمل میں لائی گئی ہے اور ان کے خلاف مقدمہ بھی درج کیاگیا ہے ۔