امپھال 12 ستمبر (نیوز ڈیسک ) بھارت کی شورش زدہ ریاست منی پور میں نامعلوم مسلح افراد کی فائرنگ میں کم سے کم تین افراد ہلاک ہو گئے ہیں۔
کشمیرمیڈیاسروس کے مطابق مسلح افراد نے ان افراد کو منگل کو ضلع کانگ پوپکی کے علاقے کانگ گوئی میں ارینگ اور کرم دیہات کے درمیان اچانک حملہ کر کے ہلاک کیا۔ 3 مئی کو منی پور میںپر تشدد واقعات شروع ہونے کے بعد سے اب تک 160 سے زائد افراد ہلاک اور سینکڑوں زخمی ہو چکے ہیں، جب پہاڑی اضلاع میں میتی ہندو برادری کے شیڈولذ قبائل کا درجہ دینے کے مطالبے کے خلاف احتجاج کرنے کے لیے ‘قبائلی یکجہتی مارچ’ کیا گیا تھا۔ہندو اکثریتی میتی برادری اور عیسائی قبیلے کوکی بالترتیب منی پور کی آبادی کا 50 اور 49 فیصد ہیں۔