امپھال، 14 ستمبر (نیوز ڈیسک )تشدد سے متاثرہ بھارتی ریاست منی پور میں ایک پولیس سب انسپکٹر کو گولی مار کر ہلاک کر دیا گیا۔ کشمیرمیڈیاسروس کے مطابق پولیس سب انسپکٹر اونگ منگ ہاوکیپ کو ریاست کے ضلع چوراچند پور کے چنگپھی میں سنائپر رائفل کے ذریعے گولی مار دی گئی۔ بعد ازاں بھارتی پولیس نے اسی علاقے میں دو شہریوں کو گولی مار کر زخمی کر دیا۔
منی پور 3 مئی سے بڑے پیمانے پر تشدد کی لپیٹ میں ہے۔میتی (ہندو) اور کوکی(عیسائی) قبائل کے درمیاں سخت لڑائی چل رہی ہے۔ تین مئی سے اب تک تقریباً 200 سے زائد افراد ہلاک اور ہزاروں بے گھر ہو چکے ہیں۔