نئی دلی ( نیوز ڈیسک ) بھارتی ریاست مدھیہ پردیش کے ضلع کھنڈوا میں ہندوتوا غنڈوں نےایک 10 سالہ مسلمان بچے کو جے شری رام کا نعرہ لگانے سے انکار پروحشیانہ تشدد کا نشانہ بنایا ہے۔
ریاست کے ضلع کھنڈوا میں درگا کالونی کے علاقے عیدگاہ میں5ویں جماعت کا مسلم طالب علم 10سالہ بچہ گھر سے ٹیوشن پڑھنے کیلئے جارہا تھا کہ راستے میں ہندوتوا غنڈو ں نے اسے روک کر جے شری رام کا نعرہ لگانے پر مجبور کیا ۔ بچے کے انکار پر ہندوتوا غنڈوں نے اسے وحشیانہ تشدد کا نشانہ بنایا ۔ہندوتوا غنڈے اس وقت پر بچے پر تشدد کرتے رہے جب تک کہ اس نے جے شری رام کا نعرہ نہیں لگایا ۔ پولیس نے متاثرہ بچے کے اہلخانہ کی شکایت پر ہندوتوا غنڈوں کے خلاف مقدمہ درج کر کے تفتیش شروع کر دی ہے ۔ ڈی ایس پی کھنڈوا انیل چوہان کے مطابق بچے کے اہلخانہ کی شکایت پرملزمان کے خلاف مقدمہ درج کیاگیا ہے۔