اتوار‬‮   19   مئی‬‮   2024
 
 

ازبکستان میں 19 بچوں کی اموات، کھانسی کا1نہیں 2 بھارتی سیرپ غیر معیاری قرار

       
مناظر: 700 | 13 Jan 2023  

ممبئی (نیو زڈیسک ) عالمی ادارہ صحت (ڈبلیو ایچ او) نے ازبکستان میں ہلاکتوں کے بعد کھانسی کے دو بھارتی سیرپوں سے خبردار کردیا۔ غیر ملکی خبر ایجنسی کی رپورٹ کے مطابق عالمی ادارہ صحت کا کہنا ہے کہ کھانسی کے سیرپ (AMBRONOL) اور (DOK-1 Max) کوالٹی اسٹینڈرڈز پر پورا اترنے میں ناکام رہے۔ یہ دونوں دوائیاں بھارتی ریاست اترپردیش کی کمپنی مارین بائیو ٹیک تیار کرتی ہے جسے اب عالمی ادارہ صحت نے غیر معیاری قرار دے دیا ہے۔ عالمی ادارہ صحت نے بتایا کہ لیبارٹری کے تجزیے سے معلوم ہوا کہ دونوں مصنوعات میں ڈائی تھیلین گلائکول اور ایتھیلین کی مقدار ضرورت سے زیادہ ہے تاہم بھارتی کمپنی نے عالمی ادارہ صحت کو فی الحال ان دونوں سیرپ کی کوالٹی سے متعلق کوئی ضمانت نہیں دی ہے۔ رپورٹس کے مطابق ازبکستان میں دسمبر 2022 میں اس بھارتی کمپنی کی دوائیں استعمال کرنے سے مبینہ طور پر 19 بچوں کی ہلاکت ہوئی تھی۔