نئی دلی(نیوز ڈیسک) بھارتی ریاست مدھیہ پردیش میں فضائیہ کے دو لڑاکا طیارے آپس میں ٹکرا کر گر کر تباہ ہو گئے۔ بھارتی میڈیا کے مطابق دونوں طیاروں نے ریاست مدھیہ پردیش کی گوالیار بیس سے اڑان بھری تھی کہ آپس میں ٹکرا کر تباہ ہو گئے۔ میڈیا رپورٹس میں بتایا گیا ہے کہ حادثے کا شکار ہونے والے میراج طیارے میں ایک جبکہ سکوئی طیارے میں 2 پائلٹ موجود تھے، ابتدائی اطلاعات کے مطابق 2 پائلٹس واقعے میں محفوظ رہے جبکہ ایک کی موت واقع ہوئی۔ بھارتی میڈیا رپورٹس کے مطابق دونوں طیاروں کے فضا میں تصادم کی تصدیق کے لیے انکوائری شروع کر دی گئی ہے جبکہ بچ جانے والے دونوں پائلٹس کو طبی امداد کے لیے اسپتال منتقل کر دیا گیا ہے۔
#WATCH | Wreckage seen. A Sukhoi-30 and Mirage 2000 aircraft crashed near Morena, Madhya Pradesh. Search and rescue operations launched. The two aircraft had taken off from the Gwalior air base where an exercise was going on. pic.twitter.com/xqCJ2autOe
— ANI (@ANI) January 28, 2023
