جمعہ‬‮   24   مئی‬‮   2024
 
 

مودی حکومت کابھارتی فوجیوں پر RSSاسکیم مسلط کیے جانے کا انکشاف

       
مناظر: 695 | 9 Feb 2023  

 

نئی دہلی (نیوز ڈیسک ) کانگریس کے رکن پارلیمنٹ راہول گاندھی نے انکشاف کیا ہے کہ سابق فوجیوں نے کہا ہے کہ وزیر اعظم نریندر مودی نے فوج پر آر ایس ایس کی اسکیم مسلط کی۔ بھارتی میڈیا کے مطابق کانگریس کے رکن پارلیمنٹ راہول گاندھی نے پیر کے روز اگنی ویر اسکیم پر نریندر مودی حکومت پر سخت تنقید کی، اور دعویٰ کیا کہ اسے راشٹریہ سویم سیوک سنگھ (آر ایس ایس) اور وزارت داخلہ نے فوج پر مسلط کیا تھا۔ لوک سبھا میں خطاب کرتے ہوئے راہول گاندھی نے کہا کہ اگنی ویر اسکیم کے حوالے سے ہمیں سنیئر افسران نے بتایا کہ ایسا لگتا ہے کہ یہ آئیڈیا آر ایس ایس سے آیا اور فوج پر مسلط کر دیا گیا۔ راہول گاندھی نے کہا کہ افسران نے بتایا کہ وہ ایک ہزار افراد کو ہتھیاروں کی تربیت دے رہے ہیں، اور اس کے بعد وہ اتنی بے روزگاری کے دوران بھی عام شہری بن جائیں گے (یعنی فوج کا حصہ نہیں بنیں گے)۔ راہول نے مزید کہا افسران نے مجھے یہ بھی بتایا کہ اس آئیڈیا کے پیچھے اجیت دووَل ہے۔ کانگریس رہنما نے ایک ہفتہ قبل پارلیمنٹ میں صدر مملکت دروپدی مرمو کی تقریر کا حوالہ دیتے ہوئے کہا کہ حیرت ہے کہ ان کی تقریر میں اگنی ویر اسکیم کا صرف ایک بار ذکر ہوا اور بے روزگاری اور مہنگائی کا تو کوئی ذکر ہی نہیں ہوا۔ راہول گاندھی نے نریندر مودی کو آڑے ہاتھوں لیتے ہوئے کہا کہ بھارت میں کرپشن، بے روزگاری اور بدامنی کے ذمہ دار مودی ہیں۔

 

مقبوضہ کشمیر میں بھارت کی انسانیت دشمنی کی تفصیل
From Jan 1989 till 29 Feb 2024
Total Killings 96,290
Custodial killings 7,327
Civilian arrested 169,429
Structures Arsoned/Destroyed 110,510
Women Widowed 22,973
Children Orphaned 1,07,955
Women gang-raped / Molested 11,263

Feb 2024
Total Killings 0
Custodial killings 0
Civilian arrested 317
Structures Arsoned/Destroyed 0
Women Widowed 0
Children Orphaned 0
Women gang-raped / Molested 0