ممبئی (نیوز ڈیسک ) بھارت کی ریاست مدھیہ پردیش میں 7 سالہ معصوم بچی ماہ نور کے قتل میں ملوث شخص کو عدالت نے موت کی سزا سنا دی۔ میڈیا رپورٹس کے مطابق تین ماہ قبل شہر اندور میں قاتل شخص گلی میں کھیلتی بچی کو غلط ارادے سے اٹھا کر اپنے گھر کے اندر لے گیا جس پر علاقہ مکین فوراً حرکت میں آگئے۔ لوگوں کی بڑی تعداد نے اس شخص کے گھر کے سامنے جمع ہو کر احتجاج کیا اور بچی کو بچانے کے لیے دروازہ توڑنے کی کوشش کی۔ مجرم نے گھبراہٹ میں معصوم ماہ نور کو چاقو سے قتل کر دیا۔ پولیس نے واقعے کی اطلاع ملتی ہی موقع پر پہنچ کر اسے گرفتار کرلیا۔ پولیس نے قاتل کو تمام ثبوتوں کے ساتھ مقامی عدالت کے سامنے پیش کیا۔ عدالت نے جرم ثابت ہونے پر اسے موت کی سزا سنا دی۔
