امرتسر (نیوز ڈیسک )بھارتی ریاست پنجاب کے شہر امرتسر میںایک ہسپتال میں جھگڑے کے دوران بھارتی پیرا ملٹری انڈو تبتین بارڈر پولیس کا ایک اہلکار ہلاک جبکہ ایک اور شخص شدید زخمی ہو گیا۔
کشمیرمیڈیاسروس کے مطابق بھارتی پیرا ملٹری فورس کا اہلکارامرتسر کے گرو نانک دیو ہسپتال کی دوسری منزل پر جھگڑے کے دوران گرنے سے ہلاک ہوا جس کی شناخت راج بیر سنگھ جبکہ زخمی ہونے والے شخص کی شناخت ستیندر سنگھ کے طور پر ہوئی ہے۔عینی شاہدین کے مطابق ہسپتال کی دوسری منزل پر لفٹ کے اندر دونوں کے درمیان تلخ کلامی ہوئی اور دونوں ایک دوسرے سے لڑنے لگے۔ دوسری منزل کی لفٹ سے باہر نکلتے ہی وہاں موجود ایک خراب لفٹ کے دروازے سے زورٹکرائے اور نیچے گر گئے ۔ واقعے راج بیر موقع پر ہی ہلاک ہو گیا جبکہ ستیندر کو شدید چوٹیں آئیں۔نئی دلی میں تعینات انڈو تبتین پولیس بارڈر پولیس کا اہلکار راج بیر ہسپتال میں تعینات اپنے بھائی کو کھانا پہنچانے آیا تھا جو پنجاب پولیس کا اہلکار ہے ۔ ستیندر سنگھ اپنی بیوی کے پاس جا رہا تھا جس کے ہاں چند دن قبل ایک بچے کی پیدائشی ہو ئی ہے۔