سری نگر (نیوز ڈیسک )بھارت کے غیر قانونی زیر قبضہ جموں و کشمیر میں مودی کی فسطائی بھارتی حکومت نے اظہار رائے کی آزادی کے حق پر ایک اور حملہ کرتے ہوئے سرکاری ملازمین کو کسی بھی انتظامی پالیسی یا کارروائی پر تبصروں اور تنقید سے منع کر دیا ہے۔
کشمیر میڈیا سروس کے مطابق قابض بھارتی انتظامیہ نے سرکاری ملازمین کی طرف سے سوشل میڈیا کے استعمال سے متعلق ایک باقاعدہ حکمنامہ جاری کیا ہے۔حکمنامے کے تحت کوئی بھی سرکاری ملازم انتظامیہ کی طرف سے کی گئی کسی بھی کارروائی یا اسکی کسی پالیسی کے بارے میں سوشل میڈیا پر کسی قسم کی بحث نہیں کرے گا یا اسے تنقید کا نشانہ نہیں بنائے گا۔ کوئی سرکاری ملازم ریڈیو یا اخبارات وغیرہ کے ذریعے بھی کوئی ایسی بات بیان نہیں کرسکے گا جس سے حکومت کی کسی پالیسی یا کارروائی پر کسی قسم کے منفی اثرات پڑنے کا احتمال ہو۔
حکمنامے میں کہا گیا کہ ایسی سرگرمیوں میں ملوث پائے جانے والے ملازمین کو مختلف سزاو¿ں کا سامنا کرنا پڑ سکتا ہے جس میں قبل از وقت ریٹائرمنٹ اور برطرفی بھی شامل ہیں۔