سرینگر (نیوز ڈیسک ) غیر قانونی طور پر بھارت کے زیر قبضہ جموں و کشمیر کی خواتین ذہنی امراض کا شکار ہونے لگیں۔مودی حکومت کے بڑھتے ہوئے مظالم، جعلی مقابلوں میں نوجوانوں کے قتل اور گھروں میں چھاپوں کے دوران عورتوں کی عصمت دری کے بڑھتے ہوئے واقعات نے سب کو پریشان کر رکھا ہے۔ذہنی امراض کے سینٹر کی رپورٹ میں کہا گیا ہے کہ پورے بھارت سے زیادہ خواتین کے کیسز مقبوضہ جموں و کشمیر سے سامنے آرہے ہیں۔رپورٹ میں خبردار کیا گیا ہے کہ اگرصورت حال بہتر نہ بنائی گئی تو خواتین سے متعلق شدید بحران کا سامنا کرنا پڑسکتا ہے۔رپورٹ میں بتایا گیا ہے کہ مقبوضہ وادی کا کوئی ایک مسلمان گھر نہیں ہو گا جو مقبوضہ بھارتی فوج کے مظالم کے شکار نہ بنےہوں۔ روز کسی نہ کسی بہن کے بھائی، کسی بیوی کے شوہر اور کسی ماں کے بیٹے کو شہید نہ کیا جاتا ہو۔