بنگلور (دنیا مانیٹرنگ)کرناٹک میں اگلے ماہ ہونیوالے ریاستی انتخابات کیلئے الیکشن مہم اپنے عروج پر ہے ۔سابق وزیر اعلیٰ کمارسوامی نے کسان خاندانوں میں شادی کرنیوالی لڑکی کو 2 لاکھ روپے کی ادائیگی کو انتخابی منشور میں شامل کر لیا۔ کولار شہر میں انتخابی جلسے سے خطاب میں انہوں نے کہا کہ کسانوں کے بیٹوں سے شادی کرنیوالی لڑکیوں کو ان کی پارٹی دو لاکھ روپے دے گی، انہیں ایسی شکایات ملی ہیں کہ لڑکیاں کسان گھرانوں میں شادی کرنا نہیں چاہتیں، ایسی لڑکیوں کی حوصلہ افزائی کیلئے جنتا دل (سیکولر)جماعت کسان خاندانوں میں شادی پر انہیں 2 لاکھ روپے ادا کرے گی۔