بھوپال (نیو زڈیسک ) بھارتی ریاست ریاست مدھیہ پردیش میں بی جے پی حکومت نے ماں شاردا مندر سے وابستہ مسلم ملازمین کو ہٹانے کا حکم دیا ہے۔
کشمیر میڈیاسروس کے مطابق مدھیہ پردیش حکومت کے محکمہ ثقافت کی جانب سے ستنا ضلع کے میہار میں واقع ماں شاردا مندر سے وابستہ مسلم ملازمین کو ہٹانے کا حکم جاری کیا گیا۔ اس محکمے کی سربراہ بی جے پی کی سینئر لیڈر اوشا ٹھاکو ہیں۔
محکمہ نے اس حکم کی تعمیل کے لیے ستنا ضلع انتظامیہ کو ایک خط جاری کیا ہے۔ محکمہ ثقافت نے یہ بھی کہا ہے کہ مندر کے علاقے کے قریب واقع تمام مسلمانوں کے گوشت کی دکانوں کو ہٹا دیا جائے گا۔
ماں شاردا دیوی پربندھ سمیتی مندر سے کم از کم دو مسلم ملازمین 1988 سے وابستہ ہیں۔