ٹورنٹو (نیوز ڈیسک ) کینیڈا کے شہر سورے میںسکھ برادری کے پانچ لاکھ سے زائد افراد خالصتان کا جھنڈا اٹھائے جمع ہوئے اورخالصتان کے قیام کا مطالبہ دہرایا۔
شرکا ء ہفتے کے روز سورے خالصہ ڈے کے موقع پربیساکھی پریڈ کے لیے سورے پہنچے۔بیساکھی کے موقع پر1699ء میں سکھ مذہب کے قیام کا جشن منایا جاتاہے۔ یہ سکھ تاریخ کا ایک اہم واقعہ ہے جب سکھ مذہب کو حتمی شکل دی گئی۔بیساکھی کو رنگا رنگ جلوسوں کے ساتھ منایاجاتا ہے اور کمیونٹی کو مفت کھانا پیش کیاجاتا ہے کیونکہ خدمت اور لنگر سکھ مذہب کے دو اہم پہلوہیں۔چمکدار پیلے رنگ کے لباس میں ملبوس خواتین فٹ پاتھ پر کھڑی تھیں۔وینکوور کے جنوب مشرق میں سورے کے نیوٹن محلے میں ہفتے کے جشن میں کھانا، موسیقی، پرفارمنس اور تقاریر اور آرائشی فلوٹس شامل تھے۔یہ بات قابل ذکر ہے کہ کینیڈا میں سب سے زیادہ سکھ تارکین وطن رہتے ہیں اوریہ خالصتان کے نام سے علیحدہ وطن کے لیے سکھوں کی جدوجہد کا ایک مضبوط گڑھ بھی ہے۔