جموں (نیوز ڈیسک )غیر قانونی طورپر بھارت کے زیر قبضہ جموں و کشمیر میں کانگریس پارٹی کی جموں وکشمیر شاخ کے ورکنگ صدر رمن بھلا نے کہا ہے کہ مقبوضہ کشمیر میں بے روزگاری اور مہنگائی بلند ترین سطح پر پہنچ گئی ہے جس کی وجہ سے لوگ فاقہ کشی پر مجبور ہیں اور لوگوں کی مالی صورتحال ہر گزرتے دن کے ساتھ خراب ہوتی جارہی ہے۔
جموں جنوبی حلقے آر ایس پورہ کیی ممتاز شخصیات سے گفتگو کرتے ہوئے رمن بھلا نے کہا کہ حریف سیاسی جماعتوں کی طرف سے لوگوں کے جذبات سے فائدہ اٹھانے کی کوششوں کی وجہ سے جموں و کشمیر کوعوام کواپنے نمائندے بھی منتخب نہیں کر سکیں ہیں ۔بی جے پی کی مودی حکومت پر کڑی تنقید کرتے ہوئے انہوں نے کہا کہ لوگوں کو ان منفی طاقتوں کے سازشوں کا شکا ر نہیں ہونا ہونا چاہیے جو مقبوضہ علاقے میں تقسیم اور نفرت پیدا کرنے کی کوشش کر رہی ہیں۔ انہوں نے جموں و کشمیر کے عوام کو بنیادی سہولیات فراہم کرنے میں ناکامی پر مودی حکومت کو ذمہ دار قرارر دیتے ہوئے کہا کہ عوام کو بجلی کی لوڈ شیڈنگ اور پینے کے پانی عدم فراہمی کی کی وجہ سے مشکلات کا سامنا ہے۔
