سرینگر03 مئی( نیوز ڈیسک) بھارت کے غیر قانونی زیر قبضہ جموںوکشمیر میں پاکستان کی بری فوج کے سربراہ جنرل عاصم منیر کی تصاویر والے پوسٹر چسپاں کئے گئے ہیں جن میں کشمیریوں کے ساتھ اظہار یکجہتی اور ان کے حق خود ارادیت کی حمایت کرنے پر ان کاشکریہ ادا کیاگیا ہے ۔
کشمیرمیڈیاسروس کے مطابق سرینگر میں متعددمقامات پر چسپاں کیے گئے پوسٹروں میں درج تحریریوں میں کہاگیا ہے کہ :” پاکستان کے آرمی چیف آپ کا شکریہ، مقبوضہ جموں و کشمیر کے حوالے سے اپنے قومی موقف پر قائم رہنے اور کشمیریوں کے منصفانہ جدوجہد کی حمایت کرنے پر ہم آپ کے شکر گزار ہیں”۔یہ پوسٹر جموں کشمیر ڈیموکریٹک یوتھ فورم، جموں و کشمیر پولیٹیکل ریزسٹنس موومنٹ اور جموں کشمیر ڈیموکریٹک موومنٹ کی جانب سے چسپاں کئے گئے ہیں ۔