سرینگر(نیوز ڈیسک )بھارت کے غیر قانونی زیر قبضہ جموں وکشمیر میں نیشنل کانفرنس کے رہنما اور سابق وزیر اعلیٰ عمر عبداللہ نے کہا کہ بی جے پی مقبوضہ علاقے میں اسمبلی انتخابات نہیں چاہتی کیونکہ اس میں عوام کا سامنا کرنے کی ہمت نہیں ہے۔
کشمیر میڈیاسروس کے مطابق عمر عبداللہ نے ذرائع ابلاغ کے نمائندوںسے بات کرتے ہوئے کہا کہ جموں و کشمیر میں اسمبلی انتخابات کہیں نظر نہیں آرہے ۔
انہوں نے کہا کہ بی جے پی پارلیمنٹ اور پنچایتی انتخابات میں دلچسپی رکھتی ہے لیکن اسمبلی انتخابات نہیں چاہتی۔ انہوںنے کہا کہ بھارتی الیکشن کمیشن کو بھی حکومت کی طرف سے جموں و کشمیر میں اسمبلی انتخابات کے انعقاد کے حوالے سے گرین سگنل نہیں ملا ہے ۔
