بنگلورو (نیوز ڈیسک )بھارتی ریاست کرناٹک میں ہندوتوا تنظیم کے غنڈوں نے ایک 17 سالہ مسلمان طالب علم کو بے رحمی سے مار پیٹا۔
17 سالہ مسلمان طالب علم محمد فارس کو ہندوتوا تنظیم بجرنگ دل کے ارکان نے ریاست کے جنوبی کنڑ ضلع کے پٹور قصبے میں تشدد کا نشانہ بنایا۔ ہندو غنڈوں نے محمد فاروس کو پہلے اغوا کیا اور ایک مندر کے قریب لے جاکر بہیمانہ مار پیٹ کا نشانہ بنایا۔ فارس کو اس قدر تشدد کا نشانہ بنایا گیا کہ اسے ہسپتال میں داخل ہونا پڑا۔اس نے بعدازاں میڈیا والوں کو بتایا کہ بجرنگ دل سے وابستہ 50 کے قریب غنڈوں نے اس پر حملہ کیا۔ پولیس کو واقعے کی اطلاع دینے پر اسے سنگین نتائج کی دھمکیاں دی گئیں
