ممبئی (نیوز ڈیسک) ہندوتوا کے پیروکار ہندو انتہا پسند اسلام اور مسلمان دشمنی میں ہر حد پار کرنے لگے۔ بھارتی فلم انڈسٹری کی ڈس انفارمیشن پھیلانے کی بھونڈی کوششیں ہمیشہ ناکام ہوتی ہیں۔ حال ہی میں فلم ’دی کیریلہ سٹوری‘ کا ٹریلر ریلیز ہوا جس میں دعویٰ کیا گیا کہ کیرالہ سے تعلق رکھنے والی 32 ہزار لڑکیوں کو مذہب کی جبری تبدیلی کے بعد داعش کیلئے استعمال کیا گیا۔ جب فلم کے پروڈیوسر سے اس تعداد کے متعلق ثبوت مانگے گئے تو راتوں رات یہ تعداد 32 ہزار سے کم ہو کر 3 کہانیوں تک محدود ہوگئی۔ کشمیر فائلز کی طرح بھارت کی یہ ایک اور مسلمان مخالف فلم مودی کے ہندو انتہا پسندوں کی مسلمانوں سے نفرت کو ظاہر کرتی ہے۔ مذکورہ فلم میں مسلمان مخالف خیالات کو فروغ دیا گیا اور لڑکیوں کے متعلق جبری مذہب تبدیل اور دہشتگردی کا جھوٹا دعویٰ کیا گیا۔ جھوٹ پر مبنی یہ فلم پوری دنیا میں بھارت کیلئے جگ ہنسائی کا سبب بن رہی ہے، انتہا پسند ہندوؤں کے مسلمان مخالف جذبات انکی فلموں سے ہمیشہ عیاں ہوتے ہیں۔ ماضی میں بھی ’کشمیر فائلز‘ نامی فلم میں مسلمانوں کی بے بنیاد کردار کشی کی گئی تھی۔
جھوٹ کے پائوں نہیں ہوتے ، مسلم مخالف فلم ’دی کیرالہ سٹوری‘ کے پروڈیوسر کا جھوٹ پکڑا گیا ، بڑی سبکی
مناظر: 819 | 4 May 2023
![](https://thenews2day.com/wp-content/uploads/2023/05/The-Kerala-Story.jpg)