نئی دلی (نیوز ڈیسک )نئی دلی کی ایک عدالت نے 2020 کے شمال مشرقی دلی میں فسادات کے جھوٹے مقدمے میں قصوروار ٹھہرائے گئے 9 مسلمانوں کو7 سال کی قید مشقت کی سزا سنائی ہے۔
ایڈیشنل سیشن جج پلستیہ پرماچل نے شمال مشرقی دلی میں فسادات کے مقدمے میں محمد شاہنواز، محمد شعیب، شاہ رخ، راشد، آزاد، اشرف علی پرویز، محمد فیصل اور راشد کو 7سال قید کی سزا سنائی ہے۔13مارچ کو عدالت نے 9 افراد کو مجرم قرار دیا تھا۔ تمام مجرموں کو تعزیرات ہند کی دفعہ 436کے تحت 7 سال قیداور20بیس ہزار جرمانے کی سزا سنائی گئی ہے ۔تمام مسلم افراد کے خلاف تعزیرات ہند کی مختلف دفعات کے تحت گوکل پوری پولیس اسٹیشن کی طرف سے فرد جرم عائد کی گئی تھی ۔