سرینگر(نیوز ڈیسک ) غیر قانونی طور پر بھارت کے زیر قبضہ جموں و کشمیر میں بھارتی پولیس نے سرینگر سے تعلق رکھنے والے مزید دو بے گناہ کشمیریوں کو گرفتار کر لیا ۔
پولیس نے دعویٰ کیا کہ جاوید احمدبٹ اور ظہور احمد بٹ کو دہلی کے زیر کنٹرول ریاستی تحقیقاتی ادارے ایس آئی اے نے گرفتار کیا ہے۔ اس بات کا اعلان پولیس کے اسپیشل ڈائریکٹر جنرل (سی آئی ڈی)آر آر سوین نے آج سرینگرکے پولیس کنٹرول روم میں ایک پریس کانفرنس میں کیا۔پولیس ان دونوں کو ممتاز حریت رہنما میر واعظ مولوی محمد فاروق کے قتل میں پھنسارہی ہے۔ جبکہ حقیقت یہ ہے کہ مولوی محمد فاروق کوبھارتی فوج کے ایجنٹوں نے 21مئی 1990کو سرینگر کے علاقے نگین میں ان کے گھر میں گھس کر شہید کر دیا تھا۔ اسلامی کیلنڈر کے مطابق انہیں33سال قبل آج ہی کے دن (25شوال 1411ہجری کو) شہید کیا گیا تھا۔