جموں (نیوز ڈیسک )بھارت کے غیر قانونی زیر قبضہ جموں و کشمیر میں معمر خواتین نے قابض بھارتی انتظامیہ کی عوام دشمن پالیسیوں کے خلاف جموں میں احتجاجی مظاہرہ کیا۔
کشمیرمیڈیاسروس کے مطابق عمررسیدہ خواتین نے گزشتہ تین ماہ سے پنشن نہ ملنے کے خلاف ضلع سوشل ویلفیئر افسرجموں کے دفتر کے سامنے احتجاج کیا۔
انہوں نے پلے کارڈ اٹھا رکھے تھے جن پر پنشن کی واگزاری کے حوالے سے نعرے درج تھے۔ انہوںنے ذرائع ابلاغ کے نمائندوںکو بتایا کہ انتظامیہ نے انکی پنشن بلاوجہ روک دی ہے جس کی وجہ سے وہ مشکلات کا شکار ہے۔
