سرینگر(نیوز ڈیسک ) غیر قانونی طور پر بھارت کے زیر قبضہ جموں و کشمیر میں بھارت کے بدنام زمانہ تحقیقاتی ادارے این آئی اے کے اہلکاروںنے بدھ کے روز کریک ڈائون جاری رکھتے ہوئے ضلع بڈگام میں کم از کم تین مقامات پر چھاپے مارے۔
کشمیرمیڈیاسروس کے مطابق سرکاری ذرائع نے بتایا کہ این آئی اے کے اہلکاروں نے بھارتی پولیس اور سی آر پی ایف کی مدد سے ضلع بڈگام میں تین مقامات پر چھاپے مارے۔این آئی اے کے اہلکاروں نے فاروق احمدبٹ کے گھر اور زبیر احمد ڈار کے گھر کی تلاشی لی جو دونوں آری پتھن کے رہنے والے ہیں ۔دوسری ٹیم نے ضلع کے اسی گائوں میں علی محمد ڈارکے گھر پر چھاپہ مارا۔ایک سرکاری عہدیدار نے تصدیق کی کہ این آئی اے کے دفتر میں پہلے سے درج ایک کیس کے سلسلے میں چھاپے مارے جا رہے ہیں۔ انہوں نے کہا کہ کیس کی تفصیلات بعد میں شیئر کی جائیں گی۔