سرینگر16 جون (نیوز ڈیسک )بھارت کے غیر قانونی زیر قبضہ جموںوکشمیر میںبھارتی پولیس کے سپیشل انویسٹی گیشن یونٹ (ایس آئی یو )نے ضلع کپواڑہ میں مزاحمتی کمانڈر الماس رضوان خان کی غیر منقولہ جائیدار ضبط کر لی ہے۔
کشمیر میڈیاسروس کے مطابق ایس آئی یو کے اہلکاروں نے بھارتی پیرا ملٹری دستوں کے ساتھ ملکر ضلع کپواڑہ کے علاقے غوطہ لولاب میں الماس رضوان خان کی غیر منقولہ جائیدار پر ضبطی کا نوٹس چسپاں کیا۔یونٹ ایک افسر نے بتایاکہ غوطہ لولاب میں ضبط کی گئی جائیداد میں تین مختلف مقامات پر 3.25 ایکڑ اراضی بھی شامل ہے۔
فسطائی مودی حکومت نے کشمیریوں کو تحریک آزادی میں کردار کی پاداش میں سزا دینے کیلئے انکی جائیدادیں ضبط کرنے کا ظالمانہ عمل شروع کر رکھا ہے ۔ ہندو توا بی جے پی حکومت جموںوکشمیر کی سرزمین کے اصل باشندوں کو اپنی اراضی، مکانات اور دیگر املاک سے محروم کر کے متنازعہ خطے میں غیر کشمیری ہندوؤں کو بسا رہی ہے ۔ یہ اقدام مقبوضہ خطے میں مسلمانوں کی اکثریت کو اقلیت میں بدلنے کی مودی حکومت کی مذموم پالیسی کا حصہ ہے