جموں (نیوز ڈیسک )بھارت کے غیر قانونی زیر قبضہ جموں وکشمیر میں ” نیشنل پینتھرس پارٹی“ کے رہنما ہرش دیو سنگھ نے کہا ہے کہ بھارتی حکومت مقبوضہ علاقے میں لوگوں کے جمہوری حقوق کو بری طرح پامال کررہی ہے۔
کشمیرمیڈیاسروس کے مطابق ہرش دیو سنگھ نے ضلع ادھمپور کے گاؤں کوسر اور بنیک میں جلسوں سے خطاب کرتے ہوئے کہا کہ بھارتیہ جنتا پارٹی کی حکومت جموں و کشمیر کے عوام کے حقوق کو پامال کر رہی ہے جس کے نتیجے میں عوام میں غم و غصہ پایا جاتا ہے۔
انہوں نے مزید کہا کہ مودی حکومت اپنے دلفریب وعدوں اور یقین دہانیوں سے کشمیریوں کو ہرگز بیوقوف نہیں بنا سکتی ، انتظامیہ لوگوںکی توقعات پر پورا اترنے میں ناکام ہو چکی ہے۔
