نئی دہلی (نیوز ڈیسک ) بھارتی ریاست مغربی بنگال کی وزیرِ اعلی ممتا بینرجی نے پلوامہ میں وزیرِ اعظم نریندر مودی کے جعلی ڈرامے کا راز بے نقاب کر دیا۔
ممتا بینرجی نے ایک بیان میں کہا کہ مودی نے انتخابات جیتنے کے لیے پلوامہ ڈرامہ رچایاتھا اوربھارتیہ جنتا پارٹی ایک بارپھر پلوامہ جیسا جعلی اور اسکرپٹڈ ڈرامہ رچانے کا منصوبہ بنا رہی ہے۔انہوں نے کہاکہ نریندرمودی ایک بار پھر پلوامہ طرز کا ڈرامہ رچا کر انتخابات پر اثر انداز ہو سکتے ہیں۔ماضی میں کانگریس نے بھی پلوامہ ڈرامے کو جعلی اور خود ساختہ قرار دیا تھا۔مقبوضہ جموں وکشمیر کے سابق گورنر ستیا پال ملک نے بھی کئی بارکہا کہ مودی اور امیت شاہ نے انہیں پلوامہ حملے پر خاموش رہنے کا کہاتھا۔ انہوں نے کہاکہ مودی پلوامہ حملے کو پاکستان پر تھوپ کر الیکشن میں ووٹ لینا چاہتے تھے۔ستیا پال ملک کا کہنا تھا کہ پلوامہ ڈرامے کے بعد مودی حکومت نے جعلی سرجیکل اسٹرائیک کا ڈرامہ رچایا تھا۔