ممبئی (نیوز ڈیسک ) بالی ووڈ کے معروف اداکار پنکھج ترپاٹھی اپنی نئی فلم میں سابق بھارتی وزیر اعظم اٹل بہاری واجپائی کا کردار ادا کریں گے۔ انڈیا ٹائمز کے مطابق سابق بھارتی وزیر اعظم اٹل بہاری واجپائی کی سالگرہ کے موقع پر ان کی زندگی پر بننے والی فلم ” میں اٹل ہوں ” کا پہلا پوسٹر جاری کر دیا گیا ہے . جس میں بھارتی فلم انڈسٹری کے معروف اداکار پنکھج ترپاٹھی مرکزی کردار نبھائیں گے۔فلم کی تیاری کا اعلان اور پوسٹر سامنے آنے کے بعد پنکھج ترپاٹھی کے مداح انہیں نئے روپ میں دیکھنے کیلئے پرجوش ہیں اور فلم کی ریلیز کے منتظر ہیں ۔