جموں19 اگست (نیوز ڈیسک )بھارت کے غیر قانونی زیر قبضہ جموں و کشمیر میں لوگوں نے قابض انتظامیہ کی عوام دشمن پالیسیوں کے خلاف احتجاجی مظاہرہ کیا۔ جموں شہر میں ہونے والے مظاہرے میں لوگوں کی ایک بڑی تعداد نے شرکت کی ۔انہوںنے جموں کشمیر پاور ڈسٹری بیوشن کارپوریشن لمیٹڈ (جے کے پی ڈی سی ایل) کی طرف سے سمارٹ میٹروں کی غیر ضروری تنصیب کی مذمت کی۔ انہوںنے کہا کہ سمارٹ میٹروں کی وجہ سے انکے بل انتہائی زیادہ آتے ہیں جنہیں ادا کرنے سے وہ قاصر ہیں۔ انہوںنے مذکورہ میٹروں کی تنصیب کو عوام کے ساتھ سراسر نا انصافی قراردیا۔
