اسلام آباد(مانیٹرنگ ڈیسک ) کل جماعتی حریت کانفرنس کی آزادجموں وکشمیر شاخ کے رہنما ئوںقاضی عمران اورخالد وانی نے کہا ہے کہ بھارت مقبوضہ جموں و کشمیر کے عوام پر ظلم وستم کی انتہا کر رہا ہے اور تحریک آزادی کشمیرکو دبانے کے لیے ہر قسم کے ہتھکنڈے استعمال کر رہا ہے۔
کشمیرمیڈیا سروس کے مطابق حریت رہنمائوں نے اسلام آباد میں جاری ایک مشترکہ بیان میں کہا کہ علاقے کی موجودہ سنگین صورتحال کے پیش نظر اقوام متحدہ کی ذمہ داری بنتی ہے کہ وہ کشمیر کے حوالے سے اپنی منظورشدہ قراردادوں پر عملدرآمدکرائے اور مقبوضہ علاقے میں جاری بھارتی ریاستی دہشت گردی کا نوٹس لے۔
انہوں نے عالمی ادارے سے مطالبہ کیا کہ وہ بھارتی جیلوں میں نظربند مسرت عالم بٹ، شبیر احمد شاہ اورمحمد یاسین ملک سمیت کل جماعتی حریت کانفرنس کے تمام رہنمائوں، کارکنوں اور بیگناہ نوجوانوں کی رہائی کے لیے اپنا کردار ادا کرے اور حق خودارادیت کے بارے میںریاست جموں وکشمیر کے عوام سے کیا گیا اپنا وعدہ پورا کرے تاکہ وہ اپنے مستقبل کا فیصلہ خود کرسکیں۔