سرینگر 18اگست (نیوز ڈیسک )غیر قانونی طور پر بھارت کے زیر قبضہ جموں و کشمیر کے ضلع بانڈی پورہ میں بھارتی پولیس نے ایک کشمیری نوجوان پر کالاقانو ن پبلک سیفٹی ایکٹ لاگو کردیاہے۔
پولیس حکام نے مقصود احمدنامی کشمیری نوجوان پر اقوام متحدہ کی قراردادوں کے مطابق کشمیریوںکو انکا حق خودارادیت دینے کیلئے رائے شماری کا مطالبہ کرنے پرکالاقانون پبلک سیفٹی ایکٹ لاگو کیاگیا ہے ۔ مقصود جموں کی کوٹ بھلوال جیل میں نظربند ہے ۔پبلک سیفٹی ایکٹ ایک کالا قانون ہے جس کے تحت کسی بھی شخص کو بغیر کسی مقدمے یا الزام کے دو سال تک قید میں رکھا جاسکتا ہے ۔