جمعہ‬‮   24   مئی‬‮   2024
 
 

مرزا بلال سے پہلی بار کہاں ملیں اور شادی کیوں کی؟ ریحام خان نے بتا دیا

       
مناظر: 640 | 27 Dec 2022  

اسلام آباد (نیوز ڈیسک ) ریحام خان کا کہنا ہے کہ ان کے تیسرے شوہر مرزا بلال بیگ کا تعلق اردو اسپیکنگ فیملی سے ہے او وہ کراچی کے ہی رہائشی ہیں۔ شادی کے بعد نجی ٹی وی کے پروگرام میں گفتگو کرتے ہوئے ریحام خان نے کہا کہ ’میری شادی سادگی سے ہوئی کیوں کہ ہم دونوں کی خواہش تھی کہ شادی سادگی اور آسانی سے ہو، تاکہ لوگ اس بات کو سمجھیں کہ شادی کو مشکل نہ بنایا جائے۔ ریحام خان کا کہنا تھا کہ ’شوہر مرزا بلال بیگ کا تعلق کراچی سے ہے ، اردو اسپیکنگ فیملی سے ہیں جو کئی عرصے سے امریکا میں مقیم ہیں‘۔مرزا بلال بیگ سے پہلی ملاقات سے متعلق ریحام نے بتایا کہ ’بلال سے میری پہلی ملاقات امریکا کے دورے کے دوران ہوئی اس ملاقات میں مجھے لگا کہ بلال اور مجھ میں بہت سی چیزیں مشترکہ ہیں، باقی اللہ کی مرضی کیوں وہی جانتا ہے کہ کب اور کیسے کچھ ہونا ہے کیوں کہ سب کچھ اللہ کی مرضی سے ہوتا ہے‘۔ ریحام خان کا کہنا تھا کہ ’مرزا بلال سیٹل میں رہائش پذیر ہیں اور سیٹل کی ایک بہت بڑی گلوبل کمپنی کیلئے کام کرتے ہیں، بلال شوقیہ بنائی گئی ویڈیوز بھی سوشل میڈیا پر شیئر کرتے رہتے ہیں، ماضی میں ماڈلنگ سے بھی وابستہ رہے لیکن پروفیشنل ہونے کی وجہ سے شوبز کو وقت نہیں دے پائے، اب میں ان کی حوصلہ افزائی کروں گی کہ وہ شوبز کیلئے وقت نکالیں‘۔
تیسری شادی کے بعد ہونے والی تنقید پر انہوں نے کہا کہ ’ ناقدین کے پاس تنقید کے علاوہ کوئی کام نہیں ہوتا لیکن میں نے کوئی غلط کام نہیں کیا جائز کام شرعی طریقے کے مطابق کیا ہے اور مجھے اس کی پرواہ نہیں کیوں کہ مجھے اپنی زندگی اپنے اصولوں کے مطابق گزارنی ہے‘۔
شادی کے بعد کہاں رہیں گے ؟ اس سوال پر ریحام خان کا کہنا تھا کہ ’ہم دونوں کا تعلق پاکستان سے ہے اور ہم دونوں کو ہی پاکستان سے بے حد محبت ہے اس لیے میں جس طرح پاکستان میں شادی سے پہلے اپنا وقت گزارتی رہی ہوں اس میں اور میرے کام میں کوئی فرق نہیں آئے گا، مجھے بلال کی سپورٹ بھی حاصل ہے لیکن ایسا نہیں ہے میں کہیں اور بلال کہیں اور رہیں اس کے ساتھ پاکستان آنا جانا رہے گا‘۔
شادی میں بچوں کی شرکت اور بیٹے کے بطور نکاح میں وکیل بننے سے متعلق ریحام نے کہا کہ ’مجھے بچوں کی سپورٹ ہمیشہ حاصل رہی لیکن کیوں کہ اب تینوں بچے خود مختار ہیں لہٰذا اب بچوں کے حوالے سے میری ذمہ داری پہلے جیسی نہیں رہی، بیٹا بڑا ہے اس لیے وکیل کا فرض نبھایا تاہم پہلی بار بچے میری شادی میں شریک ہوئے کیوں کہ دوسری شادی کے وقت بچے چھوٹے تھے اور ساتھ نہیں تھے ، اب بچوں کے صلاح مشورے سے شادی کی اور انہوں نے بڑوں کی طرح سپورٹ کیا‘۔

مقبوضہ کشمیر میں بھارت کی انسانیت دشمنی کی تفصیل
From Jan 1989 till 29 Feb 2024
Total Killings 96,290
Custodial killings 7,327
Civilian arrested 169,429
Structures Arsoned/Destroyed 110,510
Women Widowed 22,973
Children Orphaned 1,07,955
Women gang-raped / Molested 11,263

Feb 2024
Total Killings 0
Custodial killings 0
Civilian arrested 317
Structures Arsoned/Destroyed 0
Women Widowed 0
Children Orphaned 0
Women gang-raped / Molested 0