سرینگر25 اگست (نیوز ڈیسک ) بھارت کے غیر قانونی زیر قبضہ جموں و کشمیر میں سرینگر کے مختلف حصوں میں پوسٹرچسپاں کیے گئے ہیں جن میں لوگوں سے اپیل کی گئی ہے کہ وہ تحریک مزاحمت کی علامت سید علی گیلانی کو انکی شہادت کی دوسری برسی پر شاندار خراج عقیدت پیش کریں۔ کشمیر میڈیا سروس کے مطابق پوسٹرجموں و کشمیر ڈیموکریٹک موومنٹ اور دیگر تنظیموں نے سری نگر کے مختلف علاقوں میں دیواروں، ستونوں اور بجلی کے کھمبوں پر چسپاں کیے ہیں۔ پوسٹروں میں ائمہ مساجد اور خطباءپر زور دیا گیا کہ وہ سید علی گیلانی اور دیگر کشمیری شہداکے درجات کی بلندی کے لیے خصوصی دعائیں کریں۔یاد رہے کہ سید علی گیلانی یکم ستمبر2021 کو سرینگر میں گھر میں دوران نظر بندی وفات پا گئے تھے۔
