سرینگر 31 اگست (نیوز ڈیسک )بھارت کے غیر قانونی زیر قبضہ جمو ں وکشمیر کی ہائیکورٹ نے چار افراد کی کالے قانون ” پبلک سیفٹی ایکٹ“ کے تحت نظر بندی کالعدم قرار دیتے ہوئے انتظامیہ کو انہیں فوری رہا کرنے کی ہدایت کی ہے۔
کشمیر میڈیاسروس کے مطابق جسٹس سنجے دھر کی بنچ نے عمران احمد گنائی، ثاقب اکبر وازہ اور شاکر بشیر کمار کی نظربندی کالعدم قرار دیتے ہوئے ان کی فوری رہائی کا حکم دیا۔
جسٹس ایم اے چودھری کی بنچ نے ایک اور شخص منظور احمد وانی کی پی ایس اے کے تحت نظربندی منسوخ کرکے انتظامیہ کو انہیں رہا کرنے کی ہدایت کی ۔
