اسلام آباد (نیوز ڈیسک ) سابق وفاقی وزیر فیصل واوڈا نے دعویٰ کیا ہے کہ ڈالر کی قیمت میں کمی کی وجہ آرمی چیف جنرل عاصم منیر ہیں۔ جیو نیوز کے پروگرام میں گفتگو کرتے ہوئے فیصل واوڈا کا کہنا تھاکہ آج پاکستانی قوم کے لیے اچھا دن ہے، ڈالرزکی قیمت میں کمی آرمی چیف جنرل عاصم منیر کی وجہ سے آئی، ڈالرکی قیمت میں 15 سولہ روپے فرق آیا اور چند روز میں ڈالرکی قیمت میں مزید 10 روپے فرق آئے گا۔ ان کا کہنا تھاکہ آرمی چیف نے ڈی جی آئی ایس آئی اور ڈی جی سی کو ڈالر کی قیمت میں کمی کے لیے ہدایات دیں جن پر عمل کرنے سے ڈالر کی قیمت میں کمی آئی۔ انہوں نے کہا کہ ڈالر کی قیمت کم ہونے میں سٹیٹ بینک کا کوئی کردار نہیں، سٹیٹ بینک کی نااہلی کی وجہ سے ڈالر کی قیمت کم نہیں ہو رہی تھی۔