سرینگر(نیوز ڈیسک ) غیر قانونی طور پر بھارت کے زیر قبضہ جموں و کشمیر سے تعلق رکھنے والی خاتون واٹر اسپورٹس کوچ اور کیکنگ ( Kayaking) کی کھلاڑی بلقیس میر کو چین میں رواں ماہ کی 23تاریخ سے شروع ہونے والے19ویں ایشین گیمز کے لیے جیوری کا رکن مقرر کیا گیا ہے۔
خانیار سرینگر کی رہائشی بلقیس وادی کشمیر کی اولمپک سطح کی خواتین کی کیکنگ اور کینوئنگ کی پہلی کھلاڑی ہیں۔وہ مقبوضہ جموں و کشمیر میں واٹر اسپورٹس کی ڈائریکٹر بھی ہیں اور اس کھیل میں حصہ لینے والے سینکڑوں ایتھلیٹس کو جج کریں گی۔
