نئی دلی(نیوز ڈیسک ) کینیڈا کے سینیٹ کے اسپیکر نئی دلی میں جمعہ سے شروع والے گروپ بیس کے دو روزہ اجلاس میں شرکت نہیں کررہے ہیں ۔
کشمیرمیڈیاسروس کے مطابق کینیڈا میں خالصتان تحریک کے رہنماء ہردیپ سنگھ نجار کے بھارتی ایجنٹوں کے ہاتھوں قتل کے بعد سے دونوں ملکوں کے درمیان تعلقات کشیدہ ہیں ۔ کینیڈا کی سینٹ کے اسپیکر ریمنڈ گیگن آج سے نئی دلی میں شروع ہونے والے گروپ بیس کے دو روزہ پارلیمانی سپیکرز سمٹ میں شرکت نہیں کر رہے ہیں ۔
واضح رہے بھارت میں سکھوں کی خالصتان تحریک کے سکھ رہنماہردیپ سنگھ نجار کو رواں سال 18 جون کوبرٹش کولمبیا کے شہر سرے میں اس وقت فائرنگ کر کے قتل کیا گیا جب وہ گوردوارے کے اندر موجود تھے۔کینیڈین وزیر اعظم جسٹن ٹروڈو کے گزشتہ ماہ پارلیمنٹ میں خالصتان لیڈر کے قتل میں بھارت کے ملوث ہونے کے بعد سے دونوں ملکوں کے درمیان تعلقات کشیدہ ہیں ۔
