اسلام آباد (نیوز ڈیسک ) پاکستان نے غزہ میں انسانی بنیادوں پر امدادی سامان بھیجنے کا فیصلہ کیا ہے۔ اس حوالے سے اسلام آباد سے ترجمان دفتر خارجہ نے کہا غزہ میں انسانی المیے کے پیش نظر فلسطینیوں کے لیے امدادی سامان بھیجنے کا فیصلہ کیا ہے۔ ترجمان دفتر خارجہ نے مزید کہا کہ مصری حکومت، ہلال احمر اور اقوام متحدہ کی متعلقہ ایجنسیوں سے رابطہ کیا جا رہا ہے۔ ترجمان نے کہا کہ امداد کی ترسیل کو حتمی شکل دینے کے لیے بیرون ملک پاکستانی مشنز سے بھی رابطے کیے جا رہے ہیں۔ ترجمان دفتر خارجہ کے مطابق غزہ کے مظلوم عوام کو انسانی امداد کی فوری ضرورت ہے۔