سرینگر(نیوز ڈیسک ) غیر قانونی طور پر بھارت کے زیر قبضہ جموں و کشمیر میں بھارتی بارڈر سیکورٹی فورس کے ایک ہیڈ کانسٹیبل نے میں خود کو گولی مار کرہلاک کرلیا ہے ۔ بی ایس ایف اہلکار نے بھارتی ریاستی راجستھان میں اپنی بیوی کی خودکشی کی اطلاع ملنے پر خود کو گولی مار لی ۔
کشمیرمیڈیاسروس کے مطابق مقبوضہ جموں وکشمیر میں تعینات بی ایس ایف کے28سالہ ہیڈ کانسٹیبل راجندر یادیوکو جب یہ اطلاع ملی کہ اس کی اہلیہ انشو یادیو نے راجستھان میں کوٹ پٹلی-بہرور ضلع کے گائوںدھیر پور میں خودکشی کر لی ہے تو اس نے خود کو گولی مارلی ۔ پولیس کے مطابق خودکشی سے قبل انشو کا راجندر کے ساتھ ٹیلی فون پر جھگڑا ہو اتھا ۔دونوں کی شادی 8ماہ قبل ہوئی تھی ۔ پولیس نے مزیدبتایا کہ انشو نے گھر میں پنکھے سے پھندہ لگا کر خودکشی کی ۔اہلیہ کی موت کی طلاع ملنے پر، بی ایس ایف ہیڈ کانسٹیبل نے ضلع کپواڑہ میں اپنے سروس ریوالور سے گولی مار کر خودکشی کرلی ۔