سرینگر(نیوز ڈیسک )غیر قانونی طور پر بھارت کے زیر قبضہ جموں و کشمیر کے ضلع بارہمولہ میں بھارتی فوجیوں نے 2کشمیری نوجوانوں کو گرفتار کر لیاہے۔
کشمیر میڈیا سروس کے مطابق فوجیوں نے نوجوانوں کو منگل کو ضلع کے علاقے ڈانگر پورہ میں محاصرے اور تلاشی کی ایک کارروائی کے دوران گرفتار کیا۔فوجیوں نے ان نوجوانوں کی گرفتاری کا جواز پیش کرنے کیلئے انہیں ایک مجاہدین تنظیم کا کارکن قرار دیا ہے جو اقوام متحدہ کی سلامتی کونسل کی قراردادوں کے مطابق اپنے ناقابل تنسیخ حق خودارادیت کے حصول کیلئے جدوجہد جاری رکھے ہوئے ہیں ۔
ادھرسرینگر، کپواڑہ، پلوامہ، اسلام آباد، کولگام، راجوری اور پونچھ اضلاع کے مختلف علاقوں میں بھارتی فوجیوں کی محاصرے اور تلاشی کی کارروائیاں جاری ہیں۔