سرینگر(نیوز ڈیسک )بھارت کے غیر قانونی زیرقبضہ جموںوکشمیر کے ضلع پلوامہ میں قابض بھارتی انتظامیہ نے آج ایک اور شہری کا مکان ضبط کر لیا۔
کشمیر میڈیا سروس کے مطابق انتظامیہ نے ضلع کے علاقے بیگ پورہ میں آزاد احمد تیلی نامی شہری کا گھر ضبط کیا۔ پولیس کا کہنا ہے کہ شہری کا گھر عدالت کے حکم پر قرق کیا گیا۔ آزاداحمد پر مجاہد کے ساتھ روابط رکھنے اور انہیں اپنا گھر بطور پناہ گاہ فراہم کرنے کا الزام عائد کیا گیا ہے۔
