سرینگر(نیوز ڈیسک ) غیر قانونی طور پر بھارت کے زیر قبضہ جموں و کشمیر میں نیشنل کانفرنس کے نائب صدر عمر عبداللہ نے کہاہے کہ بی جے پی اسمبلی انتخابات میں لوگوں کا سامنا نہیں کرنا چاہتی ہے۔
عمرعبداللہ نے ٹنگمرگ کے علاقے کنزرمیں ایک عوامی جلسے کے بعدصحافیوں سے گفتگو کرتے ہوئے کہا کہ اسمبلی انتخابات کو چھوڑئے اب بلدیاتی انتخابات بھی ٹال دیے گئے۔انہوں نے کہاکہ سرینگر میونسپلٹی نہیں رہی، جموں میں بھی میونسپلٹی ختم ہو رہی ہے اور جنوری تک پنچ اور سر پنچ بھی نہیں رہیں گے۔انہوں نے کہا اگر بی جے پی کو لگتا کہ وہ الیکشن میں کامیاب ہوگی تو یہاں کب کے الیکشن ہوچکے ہوتے۔عمر عبداللہ نے کہا کہ مودی حکومت جموں وکشمیرمیں تھری ٹائر جمہوریت قائم کرنے کا پرچار کر رہی تھی لیکن اب اس کا ایک ٹائر بھی نہیں رہا۔