سرینگر(نیوز ڈیسک ) بھارت کے غیر قانونی زیر قبضہ جموں وکشمیر میں نیشنل کانفرنس کے نائب صدر عمر عبداللہ نے کہاہے کہ اگرچہ بھارت کو جمہوریت کی ماں کہا جا رہا ہے، لیکن مقبوضہ جموں و کشمیر میں جمہوریت ہی کا قتل کیا جا رہا ہے۔
عمر عبداللہ نے ایک بیان میں کہا کہ بھارت کو جمہوریت کی ماں کہا جاتا ہے لیکن یہ بدقسمتی کی بات ہے کہ جموں و کشمیر میں اسی جمہوریت کا قتل کیا جارہا ہے۔ انہوں نے کہا کہ حکومت کو پانچ چھ ماہ پہلے انتخابات کے لیے تمام مطلوبہ انتظامات کو حتمی شکل دے دی جانی چاہیے تھی لیکن اس نے اس عمل کو روک رکھا ہے اور اسے تاخیر کا شکار کر رہی ہے۔