گاندھی نگر (نیوز ڈیسک ) بھارتی ریاست گجرات میں ہرنی جھیل میں ایک کشتی الٹنے سے سکول کے14طلبہ اور 2 اساتذہ ڈوب کر ہلاک ہو گئے ہیں ۔کشمیرمیڈیاسروس کے مطابق یہ حادثہ ریاست کے شہروڈودراکے نواحی علاقے میں واقع ہرنی جھیل میں اس وقت پیش آیا جب وہاں پکنک پر آنے والے سکول کے طلبہ کا ایک گروپ کشتی میں سیر کرر ہاتھا۔ طلبہ سیلفی لینے کیلئے کشتی کے ایک طرف آگئے جس سے کشتی کا توازن بگڑ گیا اور وہ الٹ گئی ۔ حادثے میں سکول کے 14طلبہ اور 2اساتذہ ڈوب کر ہلاک ہو گئے جبکہ باقی 10طلبہ اور 2 اساتذہ کو بچا لیا گیا ہے ۔حادثے کا شکار ہونیوالے تمام طلبہ کاتعلق وڈودرا کے نیو سن رائز اسکول سے ہے ۔