بھوپال(نیوز ڈیسک ) بھارتی ریاست مدھیہ پردیش کے ایک گرجا گھر میں ہندوتوابلوائیوں نے رام مندر کی تصویر اور ہندوتوا کا زعفرانی جھنڈا لہرایاہے۔
گرجا گھر پر رام مندر کی تصویر اور زعفرانی جھنڈا لہرانے کی ویڈیو سوشل میڈیا پر وائرل ہے ۔ویڈیو میں ہندوتوابلوائیوں کو گرجا گھر کے اوپر زعفرانی جھنڈالہراتے ور “جے شری رام” کے نعرے لگاتے ہوئے دکھایاگیا ہے ۔گرجا گھر کے پادری ناربو امالیارنے میڈیا سے گفتگو میں اس واقعے پردکھ اور افسوس کا اظہارکرتے ہوئے کہاہے کہ تقریبا 25 ہندوتوا بلوائی جے شری رام کے نعرے لگاتے ہوئے گرجا گھر پہنچے اور انہوں نے اس پر رام مندر کی تصویرلگائی اور زعفرانی جھنڈا لہرایا۔پولیس نے گرجا گھر کو عبادت گاہ کے طور پر تسلیم کرنے اوراس کی بے حرمتی کا مقدمہ درج کرنے سے انکار کر دیا ہے ۔
