سرینگر(نیوز ڈیسک ) بھارتی ریاست اترپردیش کی علی گڑھ مسلم یونیورسٹی میںزیر تعلیم 12ویں جماعت کا ایک کشمیری طالب علم عدنان الطاف مغلوکو پراسرار حالات میں مردہ پایا گیا۔

کشمیرمیڈیاسروس کے مطابق یہ واقعہ اتوار کی دوپہر کو اس وقت سامنے آیا جب عدنان کو اترپردیش کے ضلع علی گڑھ میں اپنے کرائے کے کمرے میں مردہ حالت میں پایا گیا۔ جیسے ہی یہ خبر پھیلی ،یونیورسٹی میں کشمیری طلبا ء پر غم کی لہر دوڑ گئی۔عدنان کا تعلق مقبوضہ جموں و کشمیر کے ضلع بارہمولہ سے ہے، وہ اپنی قابلیت اور ملنسار طبیعت کے لیے جانا جاتا تھا۔ اس کی پراسرار موت سے کئی سوالات کھڑے ہوئے ہیں اورموت کی وجہ معلوم کرنے کے لئے واقعے کی فوری تحقیقات کی ضرورت ہے۔