مظفرآباد( نیوز ڈیسک ) مسلم کانفرنس کے صدر وسابق وزیراعظم سردارعتیق احمدخان نے کہا کہ عالمی برادری کشمیر یوں پر بھارتی مظالم کا نوٹس لے ۔ مسلم کانفرنسی کارکنوں سے گفتگو کرتے ہوئے انہوںنے کہا ظالم مودی حکومت نے حق خودارادیت کے حصول کے لئے کشمیریوں کی منصفانہ جدوجہد کو دبانے کے لیے مظالم کے تمام ریکارڈ توڑ دیئے ،ماورائے عدالت قتل کے واقعات جموں و کشمیر کے مظلوم عوام کی نسل کشی کی بھارتی سازش کا حصہ ہیں ۔ہندوستان کو یاد رکھنا چاہیے کہ وہ کشمیری عوام کے جذبہ حریت کو شکست نہیں دے سکتا اورکشمیری اپنی پرامن جدوجہد مکمل کامیابی تک جاری رکھیں گے ۔
